வினோத் - கவிதை போட்டிக்காக . ' மனிதனைத் தேடுகின்றேன்.'

வீட்டிலும், வெளியிலும்
காட்டிலும், கடல் பரப்பிலும்
மேட்டிலும்,மேகத்திலும்,
நாட்டிலும், நட்சத்திரத்திலும்,    
நான்
'மனிதனைத் தேடுகின்றேன்.'

புறக் கண்ணுடனே - அறிவுக்
கண்ணுடைய
'மனிதனைத் தேடுகின்றேன்'

அறிவுக் கண்ணுடனும் - நற்
பண்பு கொண்ட
'மனிதனைத் தேடுகின்றேன்'

நற்பண்புடனும் -இனிய
எண்ணம் கொண்ட
'மனிதனைத் தேடுகின்றேன்'

துன்பத்தில் துணை நின்று
துயர் துடைக்கும்
'மனிதனைத் தேடுகின்றேன்'

'தான்' எனும்
தலைகனமற்ற
'மனிதனைத் தேடுகின்றேன்'

தேடி தேடி இறுதியில்
தோற்றதாய் நினைக்கையிலே
தேவையில்லை தேடல் என
தேடினேன் என்னையே....

எத்தனை குறைகள் என்னிடம்.!
எங்கே சென்று
'மனிதனைத்  தேடுவேன்'

ஒவ்வொரு 'மனிதனும்'
தன்னை சீர் செய்தால்..
தேவையில்லையே
'மனிதனைத  தேடுதல்'